Ionad an Acadaimh: Campas na hOllscoile

Campas na hOllscoile

Is campas faoi leith é campas OÉ Gaillimh de bharr chomh gar is atá sé do Ghaeltacht Chonamara. Úsáidtear an Ghaeilge mar chuid lárnach den saol sóisialta agus acadúil, agus léirítear an timpeallacht shaibhir chultúrtha a bhaineann leis an dátheangachas sa chathair agus san ollscoil.

Is ollscoil í Ollscoil na hÉireann, Gaillimh atá mac léinnlárnach agus dírithe ar dhiantaighde, ollscoil a bhfuil stádas idirnáisiúnta aici agus atá fíordhíograiseach maidir le hardchaighdeán a bhaint amach. Is ollscoil í atá tiomanta go háirithe don Ghaeltacht agus do phobal na Gaeilge. Díríonn sí ar a láidreachtaí sainiúla a fhorbairt chun timpeallacht spreagúil foghlama a chur ar fáil agus ceannaireacht eacnamaíoch, shóisialta agus chultúir a uasmhéadú. Is é a thoradh sin go méadaítear ar an méid a dhéantar ag leibhéal náisiúnta, réigiúnach agus pobail.

Tá lárionad Acadamh na hOllscolaíochta Gaeilge in Áras na Gaeilge, ar champas Ollscoil na hÉireann, Gaillimh. Bunaíodh Áras na Gaeilge i 1992 chun buanú agus sealbhú na Gaeilge a leathnú agus a chur chun cinn i measc phobal na hOllscoile, idir mhic léinn agus fhoireann. Is ann a reáchtáiltear cúrsaí Gaeilge do mhic léinn agus d’fhoireann na hOllscoile, agus cúrsaí ó dhámha eile a chuirtear ar fáil trí Ghaeilge. Tá Ionad ag an Acadamh in Áras na Coiribe, freisin. Is ann atá Aonad an Aistriúcháin lonnaithe.

Cúrsaí Gaeilge do Mhic Léinn

Bunaíodh Acadamh na hOllscolaíochta Gaeilge faoi choimirce Ollscoil na hÉireann, Gaillimh, chun tacaíocht a thabhairt d’fhorbairt inbhuanaithe na gcúrsaí trí mheán na Gaeilge, do ghníomhaíocht taighde agus seirbhísí eile.

Cuireann an tAcadamh cúrsaí dioplóma & dianchúrsaí Gaeilge ar fáil do mhic léinn na hOllscoile ar champas na hOllscoile. Tá na cúrsaí seo a leanas á reáchtáil ar champas na hOllscoile:

Dioplóma sa Ghaeilge (Leibhéil A2, B2, C1)

Dioplóma sa Ghaeilge (Dlí)

                                   Le tuilleadh eolais a fháil faoi na Dioplómaí seo, téigh i dteagmháil le: 

Fón:  091-495248 / 091 493061
r-phost:   andioplomasaghaeilgeoegaillimh.ie

Gearrchúrsaí Gaeilge

Cúrsaí Gaeilge do Mhic Léinn Idirnáisiúnta

Cúrsaí sa Ghaeltacht

Cuireann an tAcadamh cúrsaí ar fáil sa Ghaeltacht do mhic léinn ar spéis leo feabhas a chur ar a gcuid Gaeilge agus blaiseadh a fháil de shaol na Gaeltachta. Cuirtear na cúrsaí seo ar fáil sa Ghaeilge agus i réimsí eile cosúil leis an nGàidhlig, an tAistriúchán, an Ríomhaireacht Fheidhmeach agus an Chumarsáid. Bíonn scoláireachtaí ar fáil do mhic léinn chun cabhrú leo freastal ar na cúrsaí seo. I dteannta na gclár sin, cuirtear gearrchúrsaí eile ar fáil ar iarratas nuair is féidir.

Seirbhísí

Ina theannta sin tá seirbhísí eile ar fáil in Áras na Gaeilge do mhic léinn agus don fhoireann ar mian leo bualadh le comhluadar Gaeilge eile san Ollscoil nó ar mian leo feabhas a chur ar a gcuid Gaeilge agus í a chleachtadh. Ar na seirbhísí atá i gceist tá:

• Bialann do mhic léinn agus don fhoireann.
• Ríomhlann.
• Amharclann.
• Seomra do mhic léinn iarchéime.
• Áiseanna cóipeála do mhic léinn.

Timpeallacht Ghaeilge

Bíonn fáilte i gcónaí san Áras roimh mhic léinn agus roimh chomhaltaí foirne le Gaeilge nó a bhfuil spéis acu sa Ghaeilge. Ar na himeachtaí a reáchtáiltear ó am go chéile leis an gcomhluadar Gaelach a thabhairt le chéile, tá:

• Léacht Bhliantúil Bhord na Gaeilge.
• An Chomhdháil ar Litríocht agus ar Chultúr na Gaeilge (faoi scáth Scoil na Gaeilge).
• Ócáid shóisialta don fhoireann a bhíonn ag teagasc trí Ghaeilge.

Chomh maith leis sin is i dTéatar Uí Chearbhalláin in Áras na Gaeilge a bhíonn drámaí, díospóireachtaí agus imeachtaí eile ag Cumainn Ghaelacha na hOllscoile.

Foireann an Ionaid