Eolas faoi Ghaoth Dobhair

Cultúr & Craic

Tá clú agus cáil ar an cheantar seo mar gheall ar an bhorradh cultúrtha atá faoin áit go háirithe i réimse an cheoil agus tá cuid mhór ceoltóirí cáiliúla síolraithe ón cheantar: Clannad, Enya, Mairéad Ní Mhaonaigh agus Altan, Maighread agus Tríona Ní Dhomhnaill, Skara Brae, Aoife Ní Fhearraigh, Dominic Mac Giolla Bhríde, Gearóidín Breathnach, Lillis Ó Laoire agus araile.

Bíonn deis ag mic léinn freastal ar ranganna ceoil, páirt a ghlacadh sna seisiúin cheoil a bhíonn ar siúl sa cheantar nó páirt a ghlacadh i gcór áitiúil cosúil le Cór Thaobh a’ Leithéid. Bíonn seisiúin bhríomhara ceoil thraidisiúnta ar siúl sa teach leanna cháiliúil, Tábhairne Hiúdaí Bhig gach oíche Luain, ina mbíonn ceoltóirí cosúil le Clann Uí Mhaonaigh, Ian Smith, agus Dominic Mac Giolla Bhríde páirteach go minic agus is iomaí uair a bhíonn mic léinn na hollscoile ag seinm i dteannta leo agus ag baint an-sult agus an-taithí as an oíche.

Tá an drámaíocht go láidir sa cheantar. Bíonn Aisteoirí Ghaoth Dobhair ag léiriú drámaí san amharclann agus ag taifeadadh sraitheanna teilifíse agus raidió mar Cois Cuan, CU Burn, Gleann Ceo agus FFC sa cheantar. Bíonn mic léinn na hollscoile páirteach sna gníomhaíochtaí seo go minic. Tá na healaíona breá láidir anseo fosta, le healaíontóirí áitiúla ag cur taispeántais ar fáil sa Ghailearaí agus bíonn cúrsaí ealaíne a reáchtáil ag Cló Ceardlann na gCnoc agus ag Comharchumann Forbartha Ghaoth Dobhair. Mar sin de is ceantar beo bríomhar atá i nGaoth Dobhair agus bíonn deis ag mic léinn páirt a ghlacadh i ngníomhaíochtaí cultúrtha.

Taobh amuigh de na himeachtaí cultúrtha seo, tá neart tithe leanna bríomhara sa cheantar ar nós Tí Sheáin Óig, ina mbíonn ceol de gach cineál le cloisteáil agus craic ar dóigh. Teach leanna cháiliúil eile ná Tábhairne Leo, teach leanna de chuid Chlann Uí Bhraonáin (Clannad agus Enya). Is féidir freastal ar dhioscó sa Millennium Club in Óstán Radharc na Mara i rith na bliana agus i gclubtheach CLG Ghaoth Dobhair.

Is ceantar tuaithe atá i nGaoth Dobhair leis na háiseanna nádúrtha uile a bhaineann le ceantar tuaithe, tránna fada neamhthruaillithe, sléibhte agus cnoic le haghaidh siúlóidí. Is fiú cinnte an Earagail mhaorga nó an Mhucais mhaol a dhreapadh nó dul faoi choinne siúlóide i gCró Nimhe i nDún Lúiche nó thart ar Chnoc Fola agus radhairc áille na n-oileán amach ón chósta a fheiceáil. Is aoibhinn í Páirc Náisiúnta Ghleann Bheatha, a bhfuil clú agus cáil uirthi de bharr an chaisleáin agus na ngairdíní ina raibh réaltaí Hollywood ag fanacht i lár an chéid seo caite. Don té sin a bhfuil suim aige san iascaireacht, tá neart deiseanna ann iascaireacht mhara agus iascaireacht in aibhneacha a chleachtadh.

B'fhiú go mór oileáin na háite a fheiceáil. Téann bád farantóireachta Thoraí isteach go  Toraigh go rialta agus freastalaíonn bád farantóireachta Ghabhla ar Ghabhla.

Lóistín

Má bhíonn aon deacracht ag mic léinn na hollscoile lóistín a fháil sa cheantar; tá gach sórt lóistín ar fáil, idir thithe saoire, árasáin, thithe lóistín agus óstlanna.  Téigh i dteagmháil le foireann an Ionaid le cuidiú a fháil faoi choinne lóistín a shocrú.

Córas Iompair

Bus

Aer

• Feda Ó Domhnaill 
  Seirbhís go Litir Ceanainn, Sligeach, Gaillimh.
  Guthán: 00 353 74 954 8114.
• John Mc Ginley   
  Seirbhís go Baile Átha Cliath. 
  Guthán: 00 353 74 913 5201.
• Pádraig Ó Gallchóir
  Seirbhís go Béal Feirste.
  Guthán: 00 353 87 233 0888.

• Aerfort Dhún na nGall
  Seirbhís go Baile Átha Cliath,
  Glas Chú na hAlban.
  Guthán: 00 353 74 954 8284.                     

Córas Leighis

Dochtúirí

Fiaclóirí

• An Dr Delap
  Guthán: 00 353 74 953 2445.
• An Dr Brogan
  Guthán: 00 353 74 953 2334.
• Nowdoc
  Guthán: 1850 400 911.                       
  (Ón 6.00 i.n. gach tráthnóna agus
  ag an deireadh seachtaine.)

• Anne O’Donoghue
  Guthán: 00 353 74 953 1113.
                                                        
  
  

Seirbhísí

• Teach Níocháin
  Guthán: 074 95 31207
  Ar oscailt gach lá 8.00 r.n. go dtí 8.00 i.n.       
  
  

• Cló Ceardlann na gCnoc
  Gailearaí ealaíona.
• Ionad Cois Locha
  Bialann, áit súgartha do pháistí,
  ceolchoirmeacha den scoth agus lear eile.

Bia & Deoch

• An Chúirt 
  Fón: 00 353 (0)74 9532900
• Danny Minnie's 
  Fón: 00 353 (0)74 9548201
• Gola Bistro
  Fón: 00 353 (0)74 9531159
• Khory's
  Fón: 00 353 (0)74 9560954
• Tábhairne Leo
  Fón: 00 353 (0)74 9548143
• Teach Jack
  Fón: 00 353 (0)74 9531173
• The Sundowner Wine and Tapas Bar
  Fón: 00 353 (0)74 9531177
  
  

• Caife Mhachaire Chlochair
  Fón: 00 353 (0)74 9531110
• Caife Mholloy
  Fón: 00 353 (0)74 9531165                 
  
  
  
  
  
  
  
  
  
  
  
  

• An Greim Gasta
  Fón: 00 353 (0)74 9531600
• Ríocht na Gréine
  Fón: 00 353 (0)74 9560834
• Khory's
  Fón: 00 353 (0)74 9560954
• An Chisteacnach
  Fón: 00 353 (0)74 9560956
  
  
  
  
  
  
  
  

• Teach Hiúdaí Beag
  Fón: 00 353 (0)74 9531016
• Teach Phaidí Óig
  Fón: 00 353 (0)74 9531306
• Teach Chonnie
  Fón: 00 353 (0)74 9531038
• Teach Sheáin Óig
  Fón: 00 353 (0074 9531999
• Teach Phete
  Fón: 00 353 (0)74 9532453
• Teach Mhic Gréidigh
  Fón: 00 353 (0)74 9531405
• Teach Leo
  Fón: 00 353 (0)74 9548143
• Teach Mhic Giolla Chomhaill
  Fón: 00 353 (0)74 9548124

Féilte

• Scoil Gheimhridh Frankie Kennedy
  Féile cheoil thraidisiúnta atá sa scoil seo, a bhíonn á reáchtáil idir Nollaig agus an bhliain úr. Bíonn ranganna ceoil ag gabháil ar aghaidh ag gach leibhéal agus scoth na gceolchoirmeacha. I measc na gceoltóirí a bhíonn i láthair tá Altan, Steve Cooney, Skara Brae, Liam Ó Maonlaí agus Tommy Peoples.
• Féile Ealaíne an Earagail
  Bíonn an fhéile seo á reáchtáil ar fud Thír Chonaill agus eagraítear imeachtaí de gach sórt. Meallann an Fhéile seo idir ealaíontóirí áitiúla agus idirnáisiúnta. 
• Guth Gafa
  Seo féile scannán faisnéise, a bhíonn á reáchtáil i nGort an Choirce i mí na Bealtaine.  
• Féile Scannán Muirí Oileán Thoraí
  Díríonn an Fhéile seo ar léiriúcháin a bhaineann le cúrsaí mara.
• Féile Chnoc Fola
  Féile cheirdeanna agus nósanna traidisiúnta an cheantair.
• Éigse Uladh
  Deireadh seachtaine díospóireachta agus seimineár ar théamaí Gaeltachta agus Gaeilge. Bíonn an Éigse seo á reáchtáil i mí an Mhárta.
• Samhain
  

Spórt & Spraoi

Tá neart áiseanna spóirt i ndeas don Ionad. Tá páirceanna imeartha faoi choinne sacair agus peil ghaelach anseo agus i rith an gheimhridh is féidir peil nó cispheil faoi dhíon a imirt i gclubtheach CLG Ghaoth Dobhair. Más fearr leat imirt amuigh faoin aer, tá páirc sacair Astroturf le soilse ar Pháirc Ghnó Ghaoth Dobhair. Tá linn snámha agus giomnáisiam ar fáil in Óstán Ghaoth Dobhair, a thugann lascaine do mhic léinn na hollscoile. Tá Galfchumann Ghaoth Dobhair ann fosta, le cúrsa fíorálainn 9 bpoll in aice leis an fharraige. Bíonn réimse leathan ranganna oíche ag gabháil ar aghaidh sa cheantar: ióga, tai chi, aclaíocht agus mar sin de.