Séamas Ó Concheanainn, B.A, A.D.T.F, 

Teideal:      Ionad:  Fón: Facs:  R-phost:

Riarthóir Ionad Charna  Acadamh na hOllscolaíochta Gaeilge, Carna, Co. na Gaillimhe. Éire. 095 - 32834  095 - 32836   seamas.oconcheanainnoegaillimh.ie

Beathaisnéis

Is ón Spidéal i nGaeltacht Chonamara do Shéamas ó dhúchas.

Gníomhaíochtaí san Ollscoil

Is céimí de chuid Ollscoil na hÉireann, Gaillimh agus Ollscoil na hÉireann, Má Nuad é. Thosaigh sé ag obair leis an Ollscoil in Áras Shorcha Ní Ghuairim (Ionad an Acadaimh: Carna) i 1998. Le linn do Shéamas a bheith ag feidhmiú mar riarthóir ar hIonad Charna, tá forbairt déanta ar chúrsaí fochéime agus ar chúrsaí iarchéime a áiríonn clár M.Sc. trí thaighde sa Teicneolaíocht Faisnéise i gcomhar le Roinn na Teicneolaíochta Faisnéise.

Tá stiúradh á dhéanamh aige freisin ar reáchtáil na gcúrsaí ríomhaireachta réamhluaite in Ionad na Ceathrún Rua agus in Ionad Ghaoth Dobhair. Tá béim leagtha aige i gclár oibre an Ionaid i gCarna ar chaomhnú acmhainn uathúil chultúrtha an limistéir trí ghníomhaíochtaí éagsúla a áiríonn:

1. Modhanna nuatheicneolaíocha a úsáid le caomhnú a dhéanamh ar stór saibhir béaloidis ón limistéar.

2. Úsáid phraiticiúil chomhaimseartha a aimsiú don saibhreas áitiúil seo trí chúrsaí a fhorbairt i réimse an bhéaloidis, mar atá déanta i gcomhar le Scoil na Gaeilge.

3. Tacú le grúpaí éagsúla féilte agus ócáidí cultúrtha a reáchtáil sa limistéar.
   
   
   

Gníomhaíochtaí eile

• Ball de Bhord Bainistíochta Scoil Phobail Mhic Dara, Carna ó 2003, ról a áiríonn gníomhú ar bhord ceapacháin na Scoile ar bhonn rialta.

• Comhordaitheoir ar thionscadal tráchtála don chuideachta campais Gaelstór Teo., tionscadal a áiríonn pacáistí tacaíochta teanga a chruthú do spriocghrúpaí éagsúla.

• Maor ar Chomhar Creidmheasa Cholm Cille, Indreabhán faoi láthair agus iar-bhall den Bhord Stiúrtha.

• Ról lárnach sa taighde a ghnóthaigh acmhainní suntasacha stáit le Clár Forbartha Pobail Chumas Teo., Comhpháirtíocht Chonamara agus Árann a bhunú.

• Chaith sé dhá théarma ina Stiúrthóir ar Bhord Stiúrtha Chumas Teo. Páirtíocht Chonamara agus Árann.

• D'fhorbair sé Plean Forbartha Ceantair do cheantar Ros Muc, plean a bhí urraithe ag Údarás na Gaeltachta.

• D'oibrigh sé mar Fheidhmeannach Forbartha Fiontraíochta le Cumas tráth ar bunaíodh Clár Náisiúinta, an Clár Fiontraíochta Áitiúil i nGaeltacht Chonamara den chéad uair le cuideachtaí beaga a láidriú.

• Séanadh
• Ráiteas Príobháideachta
• Cóipcheart
• Inrochtaineacht