Norita Ní Chartúir 

Teideal:      Ionad:  Fón: Facs:  R-phost:

Feidhmeannach Cumarsáide  Acadamh na hOllscolaíochta Gaeilge, An Cheathrú Rua, Co. na Gaillimhe. Éire. 091 - 595101  091 - 595041     norita.nichartuiroegaillimh.ie

Beathaisnéis Rugadh Norita i gCinn Mhara, Camus. Tá taithí fhorleathan aici i réimsí an chraolacháin raidió, an chraolacháin teilifíse agus i réimse mhúinte na Gaeilge. Tá sí ag obair san Acadamh ó 2004 i leith.   Taithí i réimse an raidió Is le craoltóireacht na n-óg a thosaigh Norita, nuair a chuir sí i láthair cláir ar nós Toirtín, a bhí dírithe ar dhéagóirí. I mí an Mheithimh 1989 chuir sí tús lena cuid fostaíochta le RTÉ Raidió na Gaeltachta agus chaith 16 bliana déag ag obair leo i gCasla, Conamara. Chaith sí os cionn sé bliana ag obair i seomra nuachta an stáisiúin agus an chuid eile dá cuid blianta seirbhíse le rannóg na gclár. Le linn na mblianta a chaith Norita i gCasla bhí baint nach beag aici le príomhchláir an stáisiúin, ina measc: Adhmhaidin. Clár cúrsaí reatha. Do Bharúil. Sainchlár náisiúnta, a bhí dírithe ar rannpháirtíocht phobal na tíre. Scéal Aniar. Irischlár an Iarthair, dírithe ar Ghaeltacht na Gaillimhe, Mhaigh Eo agus na Mí. Camchuairt. Clár a d'freastail ar na mion-Ghaeltachtaí. Seó Beo an tSathairn. Clár seachtainiúil ar imeachtaí comhaimseartha. Tá taithí fhorleathan aici ar chur chuige na nuachta agus na craoltóireachta trí chéile.   Taithí i réimse na teilifíse Tá taithí ag Norita freisin ar obair theilfíse. Bhí baint nach beag aici leis an gclár faisnéise, Na hAingil, idir láithriú agus obair thaighde, agus leis an tsraith bailiúcháin béaloidis, Críonnacht. Chuir sí roinnt clár i láthair in imeacht na mblianta. Ina measc sin bhí: Seo do Sheans. Sraithchlár ceisteanna. Teaghlaigh. Sraith cainte. I measc an obair ghuthaithe atá déanta aici tá: An Lasair Cheilteach. An Craiceann agus a Luach. Poiblíocht ar obair Oifig an Choimisinéara Teanga. Taithí mar mhúinteoir Bhí sí fostaithe ag an eagraíocht Gaeleagras le ceithre bliana déag anuas mar mhúinteoir Gaeilge agus mar chomhairleoir cumarsáide. D'fhorbair sí gearrchúrsaí traenála do státseirbhísigh chun cabhrú leo scileanna craoltóireachta trí Ghaeilge a shealbhú. Le linn na mblianta 2003 go 2005 ba í Norita a leag amach agus a theasgasc roinnt modúl ar Chraoltóireacht Raidió ar an gcúrsa do Dhioplóma Iarchéime san Aistriúchán agus sa Ghaeilge Fheidhmeach a réachtálann Europus, an Comhlacht Teanga, faoi choimirce Údarás na Gaeltachta. Le blianta beaga anuas is iomaí comhdháil agus cruinniú a raibh lámh aici iontu agus tá cathaoirleacht déanta aici go háirithe ar sheisiúin faoi chúrsaí pleanála agus an Ghaeilge. Is ábhair iad seo a spreagann a cuid spéise agus a cuid díograise. Tá sí faoi láthair ag cur lena cuid cáilíochtaí oideachais agus í i mbun staidéir chun céim mháistreachta i Modheolaíochtaí do Theagasc Teangacha (An Ghaeilge) a bhaint amach.

.

• Séanadh
• Ráiteas Príobháideachta
• Cóipcheart
• Inrochtaineacht