M.A. (Teagasc Teangacha - Gaeilge)

Cód PAC

                                             

GYA71

Leibhéal an chúrsa

9

Fad an chúrsa

Páirtaimseartha: Dhá bhliain acadúla

Líon áiteanna atá ar fáil

20

Achoimre

Tá Acadamh na hOllscolaíochta Gaeilge ag tairiscint cúrsa M.A. (Teagasc Teangacha - Gaeilge) do mhúinteoirí Gaeilge i scoileanna Gaeltachta agus Galltachta. 

Cur síos ar an gClár

Clár páirtaimseartha thar dhá bhliain atá i gceist. Tá ocht modúl sa chúrsa teagaisc agus roinntear idir dhá sheimeastar iad. Clúdaítear gach gné de cheird an mhúinteora teanga lena n-áirítear: teoiricí insealbhaithe agus foghlaim na chéad agus an dara teanga; modheolaíochtaí teagaisc teanga; an cur chuige machnamhach; dearadh agus seachadadh ceachtanna Gaeilge sa seomra ranga; éagsúlacht chumais agus riachtanais foghlaimeoirí; ceisteanna pleanála agus polasaí don Ghaeilge agus don churaclam. Tugtar léargas ar chleachtadh an teagaisc agus ar eispéireas na foghlama i gcomhthéacs na n-athruithe uile a tháinig ar mhodhanna múinte teanga le deireanas. Tá tráchtas 15,000 focal ar ghné éigin den mhúinteoireacht agus den fhoghlaim le scríobh roimh dheireadh an chláir.

Ábhar an chláir

Bliain 1

• Teoiricí maidir le hInsealbhú agus Próiseas Foghlaim Teanga
• Modheolaíochtaí Teagaisc Teangacha
• Oiliúint Phraiticiúil
• Modheolaíochtaí Taighde

Bliain 2

• Teicneolaíocht Faisnéise & Caidrimh i bhFoghlaim & i dTeagasc Teangacha
• Éagsúlacht agus Riachtanais na Foghlama
• Polasaí agus Pleanáil don Ghaeilge
• An Ghaeilge Bheo sa Seomra Ranga
  
  Tráchtas
  

Céard a deirtear faoin gcúrsa.

 "Cúrsa dúshlánach, spreagúil é seo a chuireas ag machnamh thú faoi staid na Gaeilge inár scoileanna agus faoin todhchaí agus a bhfuil i ndán di."

Bairbre Ní Thuairisg, Mac Léinn ar an gcúrsa 2005/2006

Aidhm an chúrsa

Is é aidhm an chúrsa forbairt ghairmiúil i modheolaíochtaí theagasc na Gaeilge a chur ar fáil do mhúinteoirí d’fhonn teagasc agus foghlaim na Gaeilge den scoth a chothú. Eagraítear an cúrsa ar bhonn uaireanta foghlaim-threoraithe, seimineáir, ceardlanna agus taithí phraiticiúil.

Cuspóirí an chláir

Ar chríochnú an chúrsa beidh na hiarrthóirí ar an eolas maidir le:

• Teoiricí insealbhaithe agus foghlaim na chéad agus an dara teanga
• Modheolaíochtaí teagaisc teanga
• Pleanáil agus polasaí – don Ghaeilge agus don Churaclam
• Dearadh agus seachadadh ceachtanna teanga
• Éagsúlacht chumais agus riachtanais foghlaimeoirí
• An Ghaeilge Bheo sa seomra ranga.
  

Meáchan ECTS

90 ECTS

Ionad an chúrsa

Beidh an cúrsa seo á thairiscint in dhá ionad (ag brath ar éileamh):

  Ionad an Acadaimh,
 An Cheathrú Rua,
 Co. na Gaillimhe 

 Ionad an Acadaimh,
 Gaoth Dobhair,
 Co. Dhún na Ghall

Riachtanais iontrála

Fáilteofar roimh iarratais ó mhúinteoirí a bhfuil ceann acu seo a leanas acu:

• Bunchéim onóracha sa Ghaeilge (2.2 ar a laghad) móid Dioplóma Iarchéime san Oideachas (ADO) nó Postgraduate Diploma in Education (H.Dip. in Education) móide bliain amháin de thaithí mhúinteoireachta nó
• Bunchéim onóracha (2.2 ar a laghad) móide Dioplóma san Oideachas (ADO) nó Postgraduate Diploma in Education (H.Dip. in Education) nó T.T.G. móide bliain amháin de thaithí mhúinteoireachta nó
• Gaeilge acadúil sa B.Oid. (2.2 ar a laghad) nó a chomhionann móide dhá bhliain de thaithí mhúinteoireachta nó
• Céim phas sa B.Oid móide cúig bliana de thaithí mhúinteoireachta
• Beidh ardchaighdeán Gaeilge de dhíth ar iarrthóirí. Beidh réamhscrúdú agus réamhagallamh as Gaeilge le déanamh ag iarrthóirí.
  

Critéir roghnaithe

• Ag brath ar cháilíochtaí na n-iarrthóirí agus ardchaighdeán i labhairt agus i scríobh na Gaeilge a bheith acu.
• Beidh réamhscrúdú agus réamhagallamh le déanamh ag iarrthóirí.
  

Próiseas measúnachta

Beidh idir mheasúnú leanúnach, mhiontionscadail agus phortfóilió múinteoireachta le cur i gcrích ag gach foghlaimeoir. Beidh tráchtas 15000 focal le scríobh chomh maith.

Taithí oibre

Beidh gá le cleachtadh oibre le linn an chúrsa i gcás iarrthóirí nach bhfuil fostaithe mar mhúinteoirí i rith thréimhse an chúrsa.

Iarratas a dhéanamh
ar an gcúrsa

Déan iarratas ar líne, le do thoil, ag an suíomh http://www.pac.ie/ D’fhéadfadh athrú teacht ar spriocdháta an chúrsa. Tá eolas cothrom le dáta faoi spriocdháta na gcúrsaí uile le fáil ar an suíomh seo a leanas http://www.pac.ie/ nó http://www.acadamh.ie/

Nasc díreach

Tuilleadh Eolais 

Peadar Mac Muiris,
Acadamh na hOllscolaíochta Gaeilge,
Ollscoil na hÉireann, Gaillimh,
Co. na Gaillimhe.

Fón:             +353 91 495299  
R-phost:        peadar.macmuirisoegaillimh.ie
Idirlíon:         http://www.acadamh.ie/