GY108 B.A. (Riarachán gnó)  

Cód PAC

Leibhéal an chúrsa 

Fad an chúrsa

Pointí CAO 2009 

Líon áiteanna atá
ar fáil

Achoimre 

Is cúrsa ceithre bliana é an B.A. sa Riarachán Gnó atá á thairiscint ag Acadamh na hOllscolaíochta Gaeilge, Ollscoil na hÉireann, Gaillimh i gcomhar le hInstitiúid Teicneolaíochta Leitir Ceanainn. Reáchtálfar é trí mheán na Gaeilge in Ionad an Acadaimh, Gaoth Dobhair, Contae Dhún na nGall. 

 

Céard a deirtear faoin gcúrsa.

"Le blianta beaga anuas, tá méadú as cuimse tagtha ar na deiseanna fostaíochta atá ar fáil in eagraíochtaí atá ag feidhmiú trí mheán na Gaeilge, sa Ghaeltacht agus lasmuigh den Ghaeltacht. Is léir mar sin gur féidir le céimithe an chúrsa céime seo a bheith ag súil le deiseanna iontacha fostaíochta amach anseo."

Éamonn Mac Niallais, Riarthóir Ionad Ghaoth Dobhair, Acadamh na hOllscolaíochta Gaeilge

"Is mac léinn ar an BA i Riarachán Gnó mé. Ceann de na cúiseanna is mó a roghnaigh mé an chéim seo a dhéanamh ná le scileanna maithe gnó agus cumarsáide a fhoghlaim. De bhrí go bhfuil an cúrsa á theagasc as Gaeilge tá mé ag cur snasa ar mo chuid Gaeilge scríofa agus labhartha an t-am ar fad. Is céim spreagúil le deiseanna iontacha í an chéim seo. Mar shampla, níl mé ach sa chéad bhliain agus tá pleananna agam cheana féin mo ghnó féin a thosú. Tá eolas agam anois ar chúrsaí eacnamaíochta, bainistíochta, cuntasaíochta agus ríomhaireachta - scileanna atá de dhíth orm le m'aidhm a bhaint amach."

Francesca Leonardi
An Dara Bliain, BA (Riarachán Gnó)  

Deiseanna
Fostaíochta

Le roinnt blianta, tá méadú suntasach tagtha ar na deiseanna fostaíochta atá ar fáil in eagraíochtaí a fheidhmíonn trí mheán na Gaeilge sa Ghaeltacht agus ar fud na tíre. Mar thoradh air seo, tá éileamh ar chéimithe a bhfuil an Ghaeilge ar a dtoil acu agus atá ábalta feidhmiú go héifeachtach i dtimpeallacht ghnó agus riaracháin dhátheangaigh.

I measc na n-eagraíochtaí atá i gceist tá eagraíochtaí san earnáil phoiblí (ar nós An Roinn Gnóthaí Pobail, Tuaithe agus Gaeltachta agus Údarás na Gaeltachta), san earnáil chraolacháin (ar nós RTÉ Raidió na Gaeltachta agus TG4), san earnáil ghnó sa Ghaeltacht, san earnáil oideachais, san earnáil Ghaeilge agus san earnáil phobail. Ina theannta sin, beidh éileamh leanúnach ar dhaoine le Gaeilge chun dul ag obair in eagraíochtaí stáit mar thoradh ar fheidhmiú Acht na dTeangacha Oifigiúla.

Aidhmeanna agus cuspóirí

Is é aidhm an chúrsa seo oiliúint a chur ar fáil do chéimithe a thabharfaidh na scileanna praiticiúla agus anailíse dóibh, atá de dhíth chun dul ag obair i réimse an ghnó agus an riaracháin dhátheangaigh.

Sa chéad agus sa dara bliain, tabharfar oiliúint phraiticiúil do mhic léinn i mbunscileanna cumarsáide, gnó agus teicneolaíochta agus tabharfar léargas dóibh ar theoiricí gnó agus ar ról an Stáit, an phobail agus na teanga i sochaí na hÉireann.

Sa tríú bliain, gheobhaidh siad taithí luachmhar oibre nó beidh deis acu leanúint lena gcuid staidéir in ollscoil thar lear.

Sa cheathrú bliain, déanfaidh mic léinn plean gnó/taighde agus cuirfidh siad barr feabhais ar a gcuid scileanna riaracháin agus gnó

Riachtanais Iontrála

Ábhar an chláir

Breisoideachas 


                                      

Iarratas

Tuilleadh eolais

Éamonn Mac Niallais,
Stiúrthóir an Chláir 
Acadamh na hOllscolaíochta Gaeilge,
Leitir Ceanainn,
Co. Dhún na nGall

Fón:             +353 74 9531919  
R-phost:        gaothdobhairoegaillimh.ie
Idirlíon:        http://www.oegaillimh.ie/acadamh