GY107 BA (Gaeilge agus Léann an Aistriúcháin)

Is comhchúrsa idir Roinn na Gaeilge agus Acadamh na hOllscolaíochta Gaeilge an chéim seo.

Tá an cúrsa seo á chur ar fáil mar gheall ar an bhforbairt atá tagtha le tamall anuas ar an aistriúchán mar réimse léinn, gnó agus fostaíochta agus de bhrí go mbeidh tábhacht bhreise le cáilíochtaí agus scileanna aistriúcháin sa todhchaí.  Tabharfar deis do mhic léinn sa chéim seo dhá ábhar a bhfuil gaol nádúrtha eatarthu - Gaeilge agus Léann an Aistriúcháin - a thabhairt le chéile faoi aon chéim ollscoile amháin.  Reáchtálfar an cúrsa seo ar phríomhchampas na hOllscoile i gCathair na Gaillimhe.

Cód CAO

Leibhéal an chúrsa

Fad an chúrsa

Líon áiteanna atá
ar fáil

Pointí CAO 2011

Riachtanais iontrála

Achoimre

Céard a deir mic léinn faoin gcúrsa.

Is cúrsa iontach é seo; bhain mé an-tairbhe as.  D'oibrigh Léann an Aistriúcháin agus an Ghaeilge as lámha a chéile, rud a chuir go mór leis an tuiscint atá agam anois ar an dá ábhar.

Máirtín Ó Donnchadha - An Dara Bliain
(BA (Gaeilge agus Léann an Aistriúcháin) 

Aidhmeanna agus cuspóirí

• Ó thaobh ábhar na Gaeilge de, gheobhaidh tú eolas cuimsitheach ar an saibhreas próis, filíochta, béaloidis agus amhránaíochta a bhaineann leis an nGaeilge, ón meánaois go dtí ár linn féin. Beidh tuiscint mhaith agat ag deireadh an chláir ar na gnéithe éagsúla d’oidhreacht na Gaeilge mar theanga labhartha agus scríofa.
• Ó thaobh Léann an Aistriúcháin de, tabharfar léargas duit ar cheird an aistriúcháin agus ar an gcomhthéacs ina dtarlaíonn aistriúchán. Cuirfear oiliúint ort i scil an aistriúcháin agus beidh an bhéim ar an nGaeilge mar sprioctheanga aistriúcháin san oiliúint sin. Bainfear leas as an nuatheicneolaíocht (e.g. aistriúchán ríomhchuidithe, fotheidealú) chun tú a réiteach le hobair ghairmiúil a dhéanamh.
• I mBliain 1 déanfaidh mic léinn staidéar ar dhá ábhar eile ó chlár an B.A. (Omnibus). I mBliain 3 beidh deis ag mic léinn bliain a chaitheamh i mbun taithí oibre in earnáil an aistriúcháin nó in earnáil na Gaeilge. Is deis é seo do mhic léinn léargas a fháil ar na hearnálacha seo ina mbeidh siad ag obair amach anseo. Déanfaidh siad teagmhálacha thar a bheith luachmhar agus sealbhóidh siad scileanna nach féidir a fháil ach san ionad oibre, scileanna a chabhróidh leo nuair a bheidh an cúrsa céime críochnaithe acu.
  

Deiseanna Fostaíochta 

Tá an-éileamh anois ar dhaoine a bhfuil cáilíocht aitheanta acu i réimse an aistriúcháin. Tá sé seo amhlaidh mar gheall ar stádas nua na Gaeilge mar theanga oifigiúil oibre san Aontas Eorpach, agus na riachtanais atá ar eagraíochtaí stáit in Éirinn faoi Acht na dTeangacha Oifigiúla. Tabharfaidh an chéim seo seans duit post maith a bhaint amach in earnáil an aistriúcháin nó in eagraíochtaí a fheidhmíonn trí Ghaeilge.

Ábhar an chláir

































 

Breisoideachas

Iarratas

Tuilleadh eolais 






                                         

Áine Nic Niallais, 
Acadamh na hOllscolaíochta Gaeilge,
Ollscoil na hÉireann, Gaillimh.

Fón:                +353 (0) 91 495 429 
R-phost:           aistriuoegaillimh.ie
Idirlíon:            http://www.oegaillimh.ie/acadamh