Warning: Your browser doesn't support all of the features in this Web site. Please view our accessibility page for more details.

Mearchuardach [?]Cad seo?
Searches this and other areas of the Web site as you type. Results appear on this page.
Also searches the entire Web site (with results on a new page) if you press enter or click on 'Go'.

GY106 B.A. (Cumarsáid)

Cód CAO:

GY106

Leibhéal an chúrsa:

Fad an chúrsa:

4 bliana

Líon áiteanna atá
ar fáil

Pointí CAO 2009

340

Riachtanais iontrála:

Fáilteofar roimh iarratais ó dhaoine a bhfuil Grád C3 (Ardleibhéal) bainte amach acu i nGaeilge agus in ábhar amháin eile, agus Grád D3 nó os a chionn bainte amach acu i gceithre ábhar eile i scrúdú na hArdteistiméireachta, le Béarla agus teanga eile san áireamh.

Achoimre

Is cúrsa ceithre bliana é an B.A. (Cumarsáid) agus is é aidhm an chúrsa ná tú a chumasú don ré dhigiteach sna meáin, ina mbeidh teicneolaíochtaí cumarsáide ag teacht le chéile mar bhunchloch don tsochaí úr – sochaí an eolais. Déanfar sin trí shárscileanna praiticiúla a thabhairt duit san iriseoireacht, sa léiriú teilifíse agus raidió, agus sna hilmheáin. Déanfar do chumas teanga sa Ghaeilge, idir labhairt agus scríobh, a fhorbairt chun go sealbhóidh tú na scileanna teanga cuí le feidhmiú go gairmiúil sa mhargadh.

Céard a deir mic léinn faoin gcúrsa....

“Is aoibhinn an áit í Acadamh na hOllscolaíochta Gaeilge chun forbairt agus foghlaim a dhéanamh trí mheán na Gaeilge i gcroílár na craoltóireachta Gaeilge ar an gCeathrú Rua. Is cosúil le clann beag muid agus gach duine ag cabhrú agus ag comhrá lena chéile. Bíonn na léachtóirí i gcónaí ar fáil chun comhairle ar bith a chur orainn agus bíonn na daltaí ag meascadh lena chéile agus ag spreagadh a chéile. Bíonn deiseanna den scoth ar fáil do na scoláirí atá ag freastal ar an Acadamh go háirithe ó tharla go bhfuil TG4 agus RTÉ Raidió na Gaeltachta in aice linn. Bíonn atmaisféar álainn i gcónaí san Acadamh agus i mo thuairimse ceapaim go bhfuil sé sin fíorthábhachtach i saol an choláiste.”

Sláine Hutchinson
BA sa Chumarsáid, An Ceathrú Bliain

Aidhmeanna agus cuspóirí

Sa chéad agus sa dara bliain tugtar léargas agus oiliúint phraiticiúil duit ar na bunscileanna cumarsáide agus iriseoireachta.
Sa tríú bliain beidh deis ag mic léinn bliain a chaitheamh i mbun socrúchán oibre in earnáil na cumarsáide. Is deis é seo do mhic léinn léargas a fháil ar na hearnálacha seo ina mbeidh siad ag obair amach anseo.
Déanfaidh siad teagmhálacha thar a bheith luachmhar agus sealbhóidh siad scileanna nach féidir a fháil ach san ionad oibre, scileanna a chabhróidh leo nuair a bheidh an cúrsa céime críochnaithe acu.
Sa cheathrú bliain déanfaidh mic léinn taighde ar ghné ar leith den chumarsáid agus cuirfidh siad barr feabhais ar a gcuid scileanna.

Deiseanna Fostaíochta

Tá éileamh ar chéimithe oilte cumarsáide i mórán réimsí de na meáin, den mhargaíocht agus den chaidreamh poiblí. Ina measc tá: RTÉ; TG4; RTÉ Raidió na Gaeltachta agus BBC; nuachtáin náisiúnta agus áitiúla; raidió agus teilifís áitiúil; agus cuideachtaí léirithe neamhspleácha.

Ábhar an chláir

Bliain 1	Bliain 2
Scileanna Craoltóireachta Raidió Scileanna Craoltóireachta Teilifíse Bunscileanna Iriseoireachta Ríomhaireacht Ceart na Gaeilge 1 Gaeilge Fheidhmeach 1 Scileanna Léiriúcháin Teilifíse Teoiric na Fuaime Staidéar na Meán Clóite Scileanna Méarchláir Annála na Gaeilge agus na Gaeltachta Ceart na Gaeilge 2	Scileanna Léiriúcháin Raidió Teoiric na Físe An tIdirlíon Dlí na Meán 1 Staidéar na Meán: Na príomhphrionsabail Ceart na Gaeilge 3 Staidéar na Meán Craolta Iriseoireacht Chraolta Scileanna Cur i Láthair Dlí na Meán 2 Gaeilge Fheidhmeach 2 Ceart na Gaeilge 4
Bliain 3	Bliain 4
Bliain in Ollscoil Thar Lear Nó Socrúchán Oibre Nó Foghlaim Pobalbhunaithe	Ceart na Gaeilge 5 Scileanna Taighde Iriseoireacht Fheidhmeach nó Craoltóireacht Bheo nó Coincheapanna Teilifíse Claochlú na Meán sa Saol Comhaimseartha Réamh-tháirgeadh don Foghlaim Pobailbhunaithe An Nuatheicneolaíocht Fheidhmeach Ceart na Gaeilge 6 Geilleagar na Meán Iriseoireacht Ilmheáin nó Caoltóireacht Ghníomhach nó Táirgiú Físe Táirgiú don Foghlaim Pobailbhunaithe Miontráchtas

Breisoideachas

Ar chríochnú an chúrsa seo dóibh, beidh deis ag mic léinn dul ar aghaidh agus cúrsaí breise a dhéanamh ag leibhéal iarchéime. Tá an tArd-Dioplóma i gCumarsáid Fheidhmeach (Raidió & Teilifís) á thairiscint ag Ollscoil na hÉireann, Gaillimh

Iarratas

http://www.cao.ie/index.php?ln=i

Tuilleadh eolais

Acadamh na hOllscolaíochta Gaeilge,
An Cheathrú Rua,
Gaillimh.

Fón:                 +353 91 595802
Facs:                +353 91 595041
R-phost:            cumarsaid

oegaillimh.ie
Idirlíon: http://www.oegaillimh.ie/acadamh

Tá Réamheolaire Fochéime ar fáil le híoschóipeáil i bhfoirm PDF.

Acadamh na hOllscolaíochta Gaeilge, Ollscoil na hÉireann, Gaillimh T: + 353 (0)91 595101
Nuashonraíodh an leathanach seo 23 / 03 / 2010