Dioplóma sa Ghaeilge (Leibhéal C1) 
(Dhá bhliain acadúla páirtaimseartha)

Bunaithe ar Chomhchreat Tagartha na hEorpa um Theangacha

Líon áiteanna atá ar fáil

                                                

Ag Tosú
                       

Cur síos ar an gclár

Misean

Aidhmeanna agus Cuspóirí

• Cur le cumas an mhic léinn an Ghaeilge a shealbhú sa tslí agus go mbeidh siad inniúil ar chumarsáid éifeachtach a dhéanamh sa teanga.
• Tuiscint a chothú sa mhac léinn ar Cheart na Gaeilge.
• Léargas a thabhairt don mhac léinn ar chultúr agus ar shaíocht Ghaelach na hÉireann.
• Meon dearfach i leith na Gaeilge a chothú sna hiarrthóirí a neartóidh a (h)iompar Gaeilge sa saol mór.
  

Meáchan ECTS

Riachtanais iontrála

Fáilteofar roimh iarratais ó dhaoine a bhfuil leibhéal pas bainte amach acu i scrúdú ardleibhéal Gaeilge na hArdteistiméireachta agus/nó a shásaíonn Stiúrthóir Acadúil an chúrsa nó a (h)ionadaí go bhfuil caighdeán sásúil bainte amach acu i labhairt agus i scríobh na Gaeilge.).  Ní mór do gach iarrthóir Triail Socrúcháin Teanga a sheasamh.  Féach thíos .

Ionad an chúrsa

An cúrsa

Is faoi scáth Acadamh na hOllscolaíochta Gaeilge, Ollscoil na hÉireann, Gaillimh, atá an cúrsa seo á reáchtáil.  Cúrsa páirtaimseartha thar dhá bhliain acadúil atá i gceist. Beidh deis ag mic léinn freastal ar chúrsa Gaeltachta.

Bliain 1: 72 uair an chloig sa bhliain.

• Seimeastar 1 - 9 seachtaine 3 huaire an chloig sa tseachtain
• Seimeastar 2 - 9 seachtaine 3 huaire an chloig sa tseachtain agus deireadh seachtaine amháin de léachtaí in Ollscoil na hÉireann, Gaillimh.

Bliain 2: 72 uair an chloig sa bhliain.

• Seimeastar 1 - 36 uair an chloig thar 10 seachtaine
• Seimeastar 2 - 36 uair an chloig thar 10 seachtaine.

Cúig mhodúl atá sa Dioplóma seo. Ní mór do gach mac léinn pas a fháil i ngach modúl chun an Dioplóma a bhaint amach.  Is iad na modúil ná:

• Ceart na Gaeilge (Bliain 1 agus 2).
• Straitéisí Comhrá (Bliain 1 agus 2).
• Annála na Gaeilge agus na Gaeltachta (Bliain 1).

An Córas Measúnachta

Seasfaidh mic léinn an chúrsa scrúdú i labhairt agus i scríobh na Gaeilge ag deireadh gach bliana.  Ina theannta seo cuirfidh siad portfoilió i dtoll a chéile bunaithe ar ábhair a réitíodh laistigh agus lasmuigh den seomra ranga.

An Scrúdú Cainte

Déanfar tástáil ar chumas labhartha Gaeilge na n-iarrthóirí trí scrúdú cainte sa chéad agus sa dara bliain.

An Scrúdú Scríofa

Ní mór d’iarrthóirí na scrúdaitheoirí a shásamh go bhfuil ar a gcumas scríobh go cruinn sa Ghaeilge.  Seasfaidh gach mac léinn scrúdú ag deireadh gach bliana.

Measúnuithe Leanúnacha

I rith gach bliana caithfidh iarrthóirí measúnuithe a sheasamh.

Bliain 1: Dhá mheasúnú
Bliain 2: Dhá mheasúnú 

Triail Socrúcháin Teanga 

Cabhróidh an triail seo linn freastal ar riachtanais teanga an fhoghlaimeora trí thástáil a dhéanamh ar an leibhéal teanga atá aige/aici.  Ceisteanna ilroghnacha atá sa triail seo agus moltar 20 nóiméad don triail.  Cliceáil ar an nasc seo chun tús a chur leis an Triail Socrúcháin Teanga.

Tuilleadh eolais
/Iarratas

Caitríona Leather,
Oifig an Dioplóma sa Ghaeilge, 
Acadamh na hOllscolaíochta Gaeilge,
Ollscoil na hÉireann, Gaillimh,
Gaillimh.

Fón:             +353 91 495248 / +353 91 493061
R-phost:        andioplomasaghaeilgeoegaillimh.ie
Idirlíon:        http://www.acadamh.ie/