Dioplóma sna Dána (Teicneolaíochtaí Gnó)
(Páirtaimseartha: Dhá bhliain acadúla)

Places available  
                                                          

Start date

Is cúrsa páirtaimseartha thar dhá bhliain é seo, beidh an dara bliain den chúrsa ar siúl i mbliana (2009-2010) agus dá bhrí sin ní bheifear ag cur tús le cúrsa nua i mí Mheán Fómhair.

Course overview 

Roinneann an cúrsa seo scileanna praiticiúla le daoine a chuireann ar a gcumas leas a bhaint as an nuatheicneolaíocht atá de dhíth le déileáil le riachtanais faisnéise, eolais agus chumarsáide na timpeallachta gnó.

Faoi dheireadh an chúrsa tuigfidh rannpháirtithe na buanna praiticiúla a bhaineann leis an nuatheicneolaíocht mar acmhainn riaracháin, mar bhealach chun buntáistí iomaíochta a ghnóthú don ghnó agus mar acmhainn fhorbartha dá n-eagraíochtaí féin.

Tá gné chianfhoghlama ag baint leis an gcúrsa seo. Cuireann an ghné seo go mór le hoiriúnacht an chúrsa dóibh siúd atá ag obair agus a bhfuil cúraimí eile orthu i rith an lae.

Aims and objectives

 Tá an cúrsa seo deartha le bheith feiliúnach d'iarrthóirí:

• a bhfuil fúthu fostaíocht a aimsiú i raon leathan comhthéacsanna gnó agus eagraíochtúla ina bhfuil rólanna a dteastaíonn sáreolas ar oibríochtaí teicneolaíochta i bpróisis riaracháin de dhíth: rúnaithe, oibrithe oifige, oibrithe in ionaid ghlaonna, agus riarthóirí atá ag iarraidh cur lena gcumas feidhmiúil i dteicneolaíochtaí comhaimseartha don ghnó.
• atá fostaithe faoi láthair agus a bhfuil uathu uasghrádú a dhéanamh ar a gcuid scileanna le súil ardú céime nó fostaíocht ar chaighdeán níos airde a aimsiú dóibh féin.
• a bhfuil bunteastais éagsúla acu sa ríomhaireacht cheana féin agus atá ag iarraidh cáilíocht aitheanta sa ríomhaireacht ghnó trí Ghaeilge a bhaint amach.
• a bhfuil athoiliúint de dhíth orthu i réimse an riaracháin ghnó.
• atá féinfhostaithe ach a dteastaíonn scileanna teicneolaíochta gnó uathu.
  

ECTS rating

Entry requirements 

Cé nach bhfuil aon cháilíocht acadúil riachtanach don chlár seo, tá caighdeán maith oideachais ghinearálta de dhíth. Áirítear air sin caighdeán sásúil labhartha agus scríofa sa Ghaeilge.

Ba bhuntáiste an cháilíocht ECDL nó a comhionann, nó taithí in aon ghné d'obair riaracháin, a bheith i seilbh an té a chuirfeadh isteach ar áit ar an gcúrsa. Cuirfear iarrthóirí faoi agallamh lena gcumas agus a ndúthracht a thomhas.

Assessment 

Scrúdaítear modúil an chúrsa trí scrúdú scríofa ag deireadh seimeastair nó / agus trí mheasúnú leanúnach i gcaitheamh an mhodúil. Maidir le measúnú leanúnach úsáidtear meascán de scrúduithe ranga agus saotharlanna, obair thionscadail, tascanna fadhb-réitigh agus obair ghrúpa.

Mar gheall ar an ngné chianfhoghlama a bhaineann leis an gcúrsa bíonn roinnt tascanna le comhlíonadh i gcaitheamh an chláir trí mhodhanna cianfhoghlama ach bíonn stiúradh agus ríomháisitheoireacht ar fáil don mhac léinn ón bhfoireann chuige seo.

Reáchtáiltear na scrúduithe scríofa i gcaitheamh mhí na Nollag nó mhí Eanáir agus i gcaitheamh mhí na Bealtaine nó an Mheithimh.

Sponsorship

Course location

Course duration

Féadfar léachtaí, ranganna teagaisc, saotharlanna, ceardlanna, aoiléachtaí nó measúnuithe a reáchtáil corruair ar an deireadh seachtaine nó ar thráthnónta eile den tseachtain, tráth a gcinneann comhordaitheoir an chláir i gcomhairle leis an mBord Stiúrtha a leithéid a bheith ag teastáil leis an gclár a fheidhmiú ina iomláine.

Reáchtálfar an cúrsa ó Mheán Fómhair go Bealtaine gach aon bhliain.

Course outline 

Bliain 1:

• Córais Ríomhaireachta.
• Teicneolaíochtaí Riartha agus Bainistiú Eolais.

Bliain 2:

• Scileanna Idirlín.
• Feidhmchláir Ghnó.
  

Further information
/Application

Riarthóir an Aonaid Teicneolaíocht Faisnéise,
Ionad an Acadaimh: Carna,
Carna,
Co. na Gaillimhe.

Fón:             +353 95 32834
Facs:            +353 95 32836
R-phost:         cursai gaillimh.ie
Idirlíon:        http://www.acadamh.ie/index.html