Dioplóma sna Dána (Cóiriú agus Stáitsiú an Cheoil Thraidisiúnta)

Foirm Iarratais Ar-Líne Anseo

Líon áiteanna atá ar fáil	15
Fad an chúrsa	Lánaimseartha thar bhliain amháin ó Mheán Fómhair go Bealtaine.
Táille	Seasfar táille an chláir don mhac léinn. Lena chois sin, tá tacaíochtaí éagsúla ar fáil do mhic léinn. Tá níos mó eolais ar fáil sa nasc "Tacaíocht do Mhic Léinn Triú Leibhéil" faoi "Cúrsaí" ar chlé.
Cur síos ar an gclár	Tá an cúrsa seo á reáchtáil ag Acadamh na hOllscolaíochta Gaeilge i gcomhar le Stiúideo Cuan Teo.  Reáchtáiltear an Dioplóma i gCóiriú agus Stáitsiú an Cheoil Thraidisiúnta ar bhonn lánaimseartha thar bhliain amháin. Tá an cúrsa feiliúnach do cheoltóirí, do dhamhsóirí agus d’amhránaithe ar mhaith leo a gcuid scileanna a fhorbairt sna réimsí seo a leanas: teoiric an cheoil, stair an cheoil agus stáitsiú agus léiriú an cheoil thraidisiúnta.
Aidhm an chúrsa	Cuirfidh an cúrsa seo le cumas an mhic léinn gairm bheatha a leanúint mar cheoltóir agus mar ealaíontóir traidisiúnta.
Meáchan ECTS	60 ECTS
Riachtanais iontrála	Fáilteofar roimh iarratais ó cheoltóirí, ó dhamhsóirí agus ó amhránaithe a bhfuil ar a gcumas an cúrsa a dhéanamh trí Ghaeilge agus a bhfuil spéis acu a bheith ag obair i réimse an cheoil agus na n-ealaíon i gcoitinne.  Beidh agallamh agus éisteacht le déanamh mar chuid den phróiseas roghnaithe agus tógfar san áireamh aon réamhthaithí sna healaíona atá ag na hiarrthóirí.
Deiseanna Fostaíóchta	Cuirfidh an cúrsa seo leis na deiseanna fostaíochta atá ar fáil do rannpháirtithe an chúrsa i réimse an Cheoil Thraidisiúnta agus cothóidh an cúrsa seo scileanna foirne chomh maith le scileanna cur i láthair atá luachmhar in aon réimse oibre.
Ionad an chúrsa
Ábhar an chláir	Tá dhá mhodúl déag sa chúrsa a chlúdaíonn na réimsí seo a leanas: Teoiric agus struchtúr an cheoil; agus na n-ealaíon traidisiúnta. Stair, forás agus forbairt na n-ealaíon traidisiúnta in Éirinn. Ríomhaireacht agus cartlannú an cheoil. Gaeilge Fheidhmeach. Taifeadadh agus stáitsiú an cheoil. Mar chuid den chúrsa seo beidh deis ag na mic léinn ceolchoirm a léiriú agus a stáitsiú faoi stiúir léiritheora, treoir a fháil ó cheoltóirí gairmiúla agus deis freisin taithí a fháil ar fheidhmiú stiúideo gairmiúil fuaime.
Tuilleadh eolais / Iarratas	Marianne Ní Chinnéide Stiúrthóir Acadúil an Chúrsa Acadamh na hOllscolaíochta Gaeilge, An Cheathrú Rua, Co. na Gaillimhe. R-phost:     Marianne.nichinneideoegaillimh.ie Fón:          353 (0) 91 869103 / 353 (0) 87 9080194 nó An Dr Charlie Lennon An Stiúideo Cuan, An Spidéal Co. na Gaillimhe R-phost:     charlielennongmail.com

Tá bróisiúr Cúrsaí Dioplóma ar fáil le n-íoschóipeáil i bhfoirm PDF chomh maith le bróisiúr an Dioplóma sna Dána (Cóiriú agus Stáitsiú an Cheoil Thraidisiúnta)

• Séanadh
• Ráiteas Príobháideachta
• Cóipcheart
• Inrochtaineacht