Dioplóma sna Dána (Aisteoireacht)
(Páirtaimseartha: Aon bhliain acadúil amháin)

Líon áiteanna atá ar fáil

20

Ag tosú 

Meán Fómhair 2008

Cur síos ar an gclár

Is cúrsa praiticiúil é an Dioplóma seo, a reáchtálfar ar bhonn páirtaimseartha thar aon bhliain amháin do dhaoine ar suim leo an aisteoireacht agus an phuipéadóireacht.

Tá sé feiliúnach do dhaoine a bhfuil spéis acu san aisteoireacht ghairmiúil nó do dhaoine a bhfuil spéis acu san aisteoireacht ar bhonn pearsanta. Tá sé feiliúnach freisin do dhaoine ar mhaith leo é a úsáid ina gcuid oibre féin, mar shampla i réimse an oideachais nó i réimse na n-ealaíon.

Is ar bhonn ceardlainne a reáchtálfar an cúrsa agus cuirfear béim ar chothú muiníne agus cothú na samhlaíochta.

Aidhmeanna agus cuspóirí

Seo a leanas príomhaidhmeanna an chúrsa seo:

• Déanfar scileanna aisteoireachta agus puipéadóireachta na rannpháirtithe a fhorbairt, idir aisteoireacht fhisiciúil agus an aisteoireacht thraidisiúnta.
• Déanfar muinín ar stáitse a chothú.
• Déanfar an tsamhlaíocht a spreagadh.  

Meáchan ECTS

30 ECTS

Riachtanais iontrála 

Níl aon riachtanas iontrála don chúrsa seo. Fáilteofar roimh iarratais ó dhaoine a bhfuil Gaeilge mhaith acu agus suim acu i ndrámaíocht na Gaeilge.

Próiseas measúnachta

Déanfar measúnú leanúnach i rith an chúrsa.

  Ionad an chúrsa

Reáchtálfar an cúrsa seo in Ionad na Ceathrún Rua agus in Amharclann Chois Fharraige, Seanscoil Shailearna, Indreabhán.

  Ábhar an chláir

Bliain 1:

Aisteoireacht Fhisiciúil 1.
Aisteoireacht Fhisiciúil 2.
Scileanna Puipéadóireachta
Cruthú Dráma i nGrúpaí
Aisteoireacht ar Stíl Stanislavski

Tuilleadh eolais / Iarratas

Marianne Ní Chinnéide,
Acadamh na hOllscolaíochta Gaeilge,
An Cheathrú Rua,
Co. na Gaillimhe,
Éire.

Fón:            +353 91 869103
Facs:           +353 91 595041
R-phost:       marianne.nichinneide oegaillimh.ie
Idirlíon:        http://www.acadamh.ie/index.html